Një kompani ambicioze bioteknologjie nga Dallasi do të përpiqet ta rikthejë atë në jetë zogu dodo, i zhdukur në Shekulli 17, pasi deshifroi plotësisht gjenomin e saj.

Startapi “Colossal Biosciences” po tërheq investitorë me njoftimet se po punon për dekodimin e plotë të gjenomave të jetëve legjendare të zhdukura, si mamuthi leshi apo ujku Tasmanian. Puna mbi gjenomin e dodos ka përfunduar, por mbeten shumë sfida për të rikthyer në jetë zogun e zhdukur me një sqep mbresëlënës.

- Hapi tjetër është krahasimi i gjeneve me ato të zogjve të lidhur, si pëllumbi Nicobar, për të përcaktuar "cilat gjene e bëjnë dodo dodo". - tha Beth Shapiro, një gjenetiste kryesore në projekt.

Më pas gjenet e zogjve të gjallë të lidhur do të modifikoheshin, me synimin për të rifutur dodo në pyjet tropikale të Mauritius, ku ata jetonin përpara se të shfaroseshin nga njerëzit.

Colossal Biosciences mori 225 milionë dollarë për projektin dodo gjatë dy viteve të fundit dhe tani vlerësohet në 1,5 miliardë dollarë. Qëllimi i saj nuk është vetëm të rikthejë kafshët e zhdukura, por edhe të dekodojë gjenomet e sa më shumë specieve dhe të parandalojë zhdukjen e kafshëve të rrezikuara.