FOTO | Stili retro: Zgjedhjet e modës së Margot Robbie
Aktorja Australiane Margot Robbie të cilën e duam nga filmat "The Wolf Of Wall Street", "Suicide Squad", "Once Upon a Time in Hollywood", e duam edhe sensin e saj të modës.
Bukuroshja hollivudiane së fundmi është fotografuar para një hoteli në Nju Jork dhe vëmendja e fotografëve padyshim që nuk e ka shqetësuar, pasi ajo ka pozuar gjatë gjithë kohës e buzëqeshur dhe e qeshur para kamerave.
Shiko këtë post në Instagram
Siç raportojnë mediat e huaja, Margot ishte e ftuar në emisionin “The Tonight Show Starring Jimmy Fallon”, dhe paparacët e etur për fotot e saj tërheqëse dinin se ku ta kërkonin.
Para një hoteli në Nju Jork, Margot është shfaqur me një fustan retro blu. Dhe këtu ishte vula e dallueshme e fustaneve të tilla - mëngë të gjata të gjera që ngushtohen në zonën e kyçit të dorës.
Ajo e kompletoi look-un me taka të bardha dhe një model flokësh me onde që i binte lirshëm pas shpine. Sa i përket grimit, Margot njihet për faktin se nuk përdor tone shumë të spikatura dhe këtë herë nuk bëri përjashtim nga rregulli.