Një burrë është përplasur sot më parë ura "Goce Dellçev" pranë Qeverisë së Maqedonisë. E goditi atë automjeti “BMW X5” me targa të Kumanovës.

Prokuroria Publike bëri të ditur se nga informacionet fillestare bëhet me dije se aksidenti ka ndodhur kur një veturë e markës BMW me targa të Kumanovës ka goditur një këmbësor i cili po kalonte rrugën afër urës.

- Me urdhër të prokurorit publik në trupin e të ndjerit do të bëhet autopsi, ndërsa nga personi i cili drejtonte veturën janë marrë mostra të gjakut dhe urinës për të konstatuar praninë e mundshme të alkoolit apo substancave tjera të paligjshme. Me urdhër të prokurorit publik do të sigurohen incizimet nga video-përgjimi i objekteve përreth për të përcaktuar shkaqet e aksidentit, thuhet në njoftim.

Edhe prokurori publik kujdestar ka lëshuar urdhër për kontroll teknik të veturës.