FOTO: Turma e madhe në kufirin ruso-mongol
Mijëra qytetarë rusë kanë pritur me orë të tëra për të hyrë në Mongoli në përpjekje për të shmangur mobilizimin.
Sipas dëshmitarëve okularë, rusët kanë pritur për më shumë se 16 orë për të hyrë në Mongoli. Individët pretendojnë se kjo është "zgjedhja e tyre e vetme", pasi presidenti rus Vladimir Putin njoftoi një "mobilizim të pjesshëm" prej 300.000 rezervistësh.
Gjatë ditëve të kaluara, @Maxar mblodhi imazhe satelitore që tregojnë numrin e madh të automjeteve (kamionë mallrash dhe makina personale) që tentonin të largoheshin nga Rusia në kufijtë me Gjeorgjinë (1, 2) dhe Mongolinë (3, 4). pic.twitter.com/RnwN3obyjz
— Christiaan Triebert (@trbrtc) Shtator 26, 2022
Mongolia, e cila është pothuajse tërësisht e varur nga nafta dhe gazi rus, zyrtarisht mban një pozicion neutral ndaj konfliktit në Ukrainë.
Rusia po negocion një projekt të ri infrastrukturor për dërgimin e gazit në Kinë nëpërmjet Mongolisë. Muajin e kaluar, presidenti mongol Uknagin Kuresluk u takua në Uzbekistan me presidentët e Rusisë dhe Kinës, Vladimir Putin dhe Xi Jinping, rreth planeve për tubacionin, ndërtimi i të cilit do të fillojë brenda dy viteve.