Një stuhi e fortë e përcjellë me erë të fortë, shi dhe breshër që ka goditur Shkupin pasditen e sotme ka përmbytur një pjesë të rrugëve dhe ka shkaktuar dëme materiale.

Gjegjësisht, në të gjithë kryeqytetin ka pemë të shkulura dhe të thyera dhe disa kanë shkaktuar dëme në makinat e parkuara poshtë tyre.

Ngjarja ka ndodhur edhe në qendër të Shkupit, ku disa pemë kanë rënë mbi automjete.

Përveç qendrës, sipas postimeve në rrjetet sociale, pamje të ngjashme ka edhe në komunën e Çairit të Shkupit.