Mbreti Charles dhe gruaja e tij, Mbretëresha Camilla, kanë nxjerrë kartolinën e Krishtlindjeve të këtij viti.

Në llogarinë e tyre zyrtare në Instagram u shfaq një kartolinë ku shkruhet: “Ju uroj Gëzuar Krishtlindjet dhe Vitin e Ri”.

 

Shiko këtë post në Instagram

 

Një postim i shpërndarë nga Familja Mbretërore (@theroyalfamily)

Çifti i buzëqeshur kanë pozuar në kopshtin e Pallatit Buckingham. Në foto, Charles ka veshur një kostum gri, këmishë të bardhë dhe kravatë blu, ndërsa Camilla me një fustan blu me mëngë të gjata.

“Krishtlindjet po vijnë”, shkruhet në përshkrimin e postimit dhe fotoja është realizuar në muajin prill.

Për të kujtuar, në shkurt të këtij viti, pallati njoftoi se mbreti u diagnostikua me kancer teksa i nënshtrohej një “procedure rutinë spitalore për shkak të një zmadhimi beninj të prostatës”. Ata nuk zbuluan se nga çfarë kanceri vuante Charles.

Mbretëresha Camilla ka pasur probleme shëndetësore muajin e kaluar dhe ka anuluar disa angazhime të planifikuara. Buckingham Palace ka njoftuar se mbretëresha vuan nga pneumonia virale.

Mbretëresha së fundmi iu rikthye detyrave zyrtare dhe zbuloi informacione të reja për shëndetin e saj.

“Jam ende pak e lodhur, duke u rikuperuar”, tha ajo pak ditë më parë në festën e 50-vjetorit të Ndihmës së Grave.