FOTO | Kate Middleton është britanikja e veshur më mirë: Një kombinim ishte vendimtar që dukesha fitoi këtë titull
Në listën e femrave britanike të veshura më mirë sipas revistës "Tatler" kishte shumë të famshëm si p.sh Helen Mirren dhe ylli i "Brigerton". Simon Ashley, por gjithsesi vendin e parë e zë Dukesha e Kembrixhit, Kate Middleton.
Kritikët e kësaj reviste u bënë për vete nga Kate Middleton falë veshjeve të saj ideale të modës në të cilat mund të shihet ndikimi i viteve 1980 dhe stili i modës së Princeshës Diana.
Një veshje që mahniti veçanërisht revistën Tatler ishte ajo që ajo kishte veshur në garat e Oborrit Mbretëror në qershor të këtij viti. Bëhet fjalë për një fustan të bardhë me pika të zeza nga Alexandra Rich, i cili kombinohet me një kapele të bukur të zezë me lule të bardha, që sipas kritikëve të modës dukej sikur e kishte “huazuar” nga princesha Diana.
Revista tha se ky fustan pasqyronte në mënyrë të përsosur rrobat e veshura nga princesha e ndjerë e Uellsit dekada më parë.
Dukesha e Kembrixhit është mbretëresha e padiskutueshme e stilit, që promovon stilistë britanikë, por është gjithashtu e njohur për veshjen e markave të përballueshme dhe për t'u shfaqur në pjesë tashmë të parë për të promovuar qëndrueshmërinë.