Finlanda dhe Estonia u kërkojnë vendeve evropiane që të mos lëshojnë viza turistike për rusët

Foto: Profimedia

Estonia dhe Finlanda u kanë kërkuar vendeve evropiane të mos lëshojnë viza turistike për rusët, duke theksuar se ata nuk duhet të lejohen të pushojnë në resortet evropiane ndërsa ushtria ruse pushton Ukrainën.

Kryeministrja e Estonisë Kaja Kalas shkroi në Twitter se "të vizitosh Evropën është një privilegj, jo një e drejtë njerëzore" dhe se është koha për të ndaluar turistët nga Rusia.

Kryeministrja finlandeze Sanna Marin tha për mediat finlandeze se është e gabuar që Rusia të kryejë agresion në tokën evropiane, ndërsa në të njëjtën kohë rusët jetojnë normalisht dhe udhëtojnë nëpër Evropë.

Estonia dhe Finlanda janë anëtarë të BE-së dhe kufizohen me Rusinë. BE-ja ka pezulluar të gjitha fluturimet për në Rusi, por rusët ende mund të hyjnë në ato vende nga toka dhe më pas të udhëtojnë nëpër Evropë me rrugë ajrore.

Video e ditës