FFM organizon një seminar rajonal fitnesi për gjyqtarët
Për herë të parë në përgjithësi jashtë UEFA-s, Federata e Futbollit të Maqedonisë është organizatore e kampit dhe seminarit të parë rajonal të fitnesit për gjyqtarë.
FFM është iniciatore dhe organizon plotësisht kampin ku marrin pjesë gjyqtarë nga dhjetë vende të rajonit.
FFM arriti të sigurojë Werner Helsenin si ligjërues në seminar. Kryetrajneri i gjyqtarëve të UEFA-s përzgjodhi dhe përgatiti gjyqtarët për tre Kupat e fundit të Botës dhe gjashtë Kampionatet e fundit Evropiane.
Në hapje të seminarit, gjyqtarët e pranishëm nga Sllovenia, Kroacia, BeH, Serbia, Mali i Zi, Kosova, Rumania, Bullgaria, Shqipëria dhe Maqedonia u përshëndetën nga kryesia e FFM-së, presidenti Muamed Sejdini dhe sekretari i përgjithshëm Filip Popovski.
- Ne si Federatë e Futbollit të Maqedonisë besojmë se vetëm me punë mund të arrihet zhvillim në të gjitha fushat. Prandaj, në këtë segment, për zhvillimin e gjyqtarëve, mendojmë se është i nevojshëm edukimi i vazhdueshëm në të gjitha nivelet për të arritur një nivel më të lartë të njohurive, por edhe aftësisë fizike. Jemi plotësisht në dispozicion, si edhe më parë, për të gjitha palët tona të interesit për të ofruar mbështetje dhe përkushtim për zhvillimin e lojës së futbollit – tha në fjalën e tij kryetari i FFM-së, Muammed Sejdini.