Vendet anëtare të BE-së kanë rënë dakord të pezullojnë përkohësisht udhëtimin nga Afrika e Jugut drejt Bashkimit pasi u zbulua një variant i ri i koronavirusit, njoftoi presidenca sllovene e Këshillit të BE-së. transmeton Politico.

Komiteti, i cili mbledh së bashku punonjës shëndetësorë nga 27 shtete anëtare, "ranë dakord për nevojën për të aktivizuar frenimin e urgjencës dhe për të vendosur kufizime kohore për të gjitha udhëtimet nga Afrika e Jugut në BE", tha presidenca sllovene në Twitter.

Të gjitha shtetet anëtare u kërkohet gjithashtu të testojnë të gjithë udhëtarët që vijnë nga ato vende dhe të vendosin karantinë të detyrueshme. Më herët, Komisioni Evropian u propozoi vendeve anëtare të BE-së që të pezullojnë fluturimet nga Afrika e Jugut dhe vendet e tjera ku është zbuluar një variant i ri i koronavirusit.

Trafiku ajror me këto vende duhet të pezullohet derisa të zbulohet se cili është rreziku i variantit të ri. Pasagjerët që kthehen nga këto zona duhet të respektojnë rregullat strikte të karantinës, tha presidentja e KE-së, Ursula von der Leyen.