BE me 600 milionë euro për të forcuar kufirin e Bullgarisë me Turqinë
Bashkimi Evropian do të ndajë 600 milionë euro për forcimin e kufirit të Bullgarisë me Turqinë, tha sot sekretari shtetëror në Ministrinë e Brendshme bullgare. Petar Todorov.
Ai tha se kryetarja e Komisionit Evropian, Ursula von der Leyen, e informoi Qeverinë e Bullgarisë se Komisioni ka mbajtur një takim për një qasje të re strategjike për mbrojtjen e kufirit të jashtëm të BE-së dhe se Bullgaria është prioritet.
“Për forcimin dhe ndërtimin teknik të kufirit tonë do të ndahen më shumë se 600 milionë euro. Aty kemi mbi 110 kilometra kufi teknikisht të pasiguruar dhe në 200 kilometrat e mbetura ka diçka për të bërë”, ka theksuar Todorov.
Sipas tij, paratë do të shpenzohen për pajisje, kamera, sensorë dhe makina.
Në tre muajt e parë, fluksi i emigrantëve u rrit me 43 për qind krahasuar me vitin e kaluar.