Ministri i Drejtësisë Krenar Loga nesër do të nënshkruajë një udhëzim të ri për ndryshimin e certifikatave të lindjes, martesës dhe vdekjes, ku do të përfshihet edhe përkatësia etnike, njoftoi ai. Alsat-M.

Në këtë mënyrë Ministria e Drejtësisë dëshiron t'i japë fund problemit të deklarimeve të rreme të përkatësisë etnike gjatë punësimit dhe keqpërdorimit të balancuesit për përfaqësim të drejtë etnik në institucione të caktuara.

“Me këtë do të mund të vërtetohet përkatësia etnike me dokument zyrtar. Për çdo abuzim të mundshëm të përkatësisë etnike, mund të hapen procedura penale për kallëzim të rremë. Dhe palët në procedurë (në rastin e punësimit) mund të paraqesin kërkesë dhe padi për keqpërdorim, në rast se institucioni shmang dokumentet zyrtare”, tha Loga.