Turqia nuk pret më asgjë nga Bashkimi Evropian, në derën e të cilit pret prej 40 vitesh, tha sot presidenti turk Rexhep Tajip Erdogan.

“Ne i kemi përmbushur të gjitha premtimet që i kemi bërë Bashkimit Evropian, por ato pothuajse janë zhdukur”, tha Erdogan në seancën inauguruese të parlamentit turk, duke shtuar se nuk do të tolerojë kërkesa apo kushte të reja në procesin e anëtarësimit.

“Nëse nuk tërhiqen në lidhje me disa padrejtësi si vendosja e vizave, të cilat i përdorin si sanksione latente, nëse nuk korrigjojnë gabimet e tyre... Nga ana jonë, ata do të humbasin plotësisht të drejtën e shprehjes politike, sociale, pritshmëritë ekonomike dhe ushtarake”, paralajmëroi ai.

“Nëse Bashkimi Evropian synon të ndalojë procesin e anëtarësimit që ekziston vetëm në letër, do të jetë vendimi i tyre”, shtoi ai.