Presidenti i Turqisë, Rexhep Tajip Erdogan, tha se vendi është i vendosur të shkatërrojë Partinë e Punëtorëve të Kurdistanit - deri në terroristin e fundit. agjencive.

“Organizata terroriste, e cila ka pësuar humbje të mëdha në operacionet e zhvilluara nga Turqia përgjatë kufijve të saj jugorë, ka treguar fytyrën e saj të ndyrë duke derdhur gjakun e njerëzve të pafajshëm me sulme me mortaja mbi vendbanimet civile në kufijtë tanë”, tha Erdogan.

Pas mbledhjes së qeverisë në Ankara, presidenti turk tregoi se po vazhdojnë hapat për krijimin e një zone sigurie, 30 kilometra të thellë përgjatë kufijve të saj.

“Ne nuk kemi nevojë për miratimin e askujt, ndërsa ndërmarrim hapa në lidhje me sigurinë e atdheut tonë dhe popullit tonë dhe nuk do t'i raportojmë asgjë askujt”, tha Erdogan.

Presidenti turk theksoi se askush nuk do ta detyrojë Turqinë në pozicione në kundërshtim me interesat e saj në nivel politik, diplomatik, ekonomik dhe ushtarak me kërcënime të ndryshme.

“Askush nuk duhet të alarmohet nga operacionet ushtarake të Turqisë që synojnë zgjerimin e zonës së sigurisë”, përfundoi Erdogan.

Që nga 20 nëntori, Turqia ka kryer një operacion ajror kundër krahut sirian të Partisë së jashtëligjshme të Punëtorëve të Kurdistanit në Sirinë veriore. Sulmet janë kryer në qytetin e Kobanes, si dhe në veri të Irakut, raporton “Novosti.rs”.