Presidenti turk Rexhep Tajip Erdogan, në hapjen e Konferencës së 13-të të Ambasadorëve në Ankara, theksoi se Turqia po punon për të vendosur stabilitet dhe prosperitet në Ballkan.

"Ne po punojmë për të vendosur stabilitet, bashkëpunim dhe prosperitet në Ballkan, me të cilin kemi lidhje të thella", theksoi Erdogan.

Më herët shefi i diplomacisë turke Mevlut Çavusoglu ka bërë të ditur se Erdogan do të vizitojë vendet e Ballkanit muajin e ardhshëm.

- Vizita që presidenti turk Rexhep Tajip Erdogan do të bëjë në vendet e Ballkanit muajin e ardhshëm konfirmon përkushtimin tonë për paqen dhe stabilitetin në rajon. Turqia mbështet fuqishëm paqen dhe stabilitetin në Ballkan, tha Cavusoglu.

Ai iu referua gjithashtu faktit se Turqia siguroi zbatimin e Marrëveshjes për eksportin e grurit nga Ukraina, duke kontribuar kështu në sigurimin e sasive të mjaftueshme të ushqimit për botën "kur kriza ushqimore është në derë".

Erdogan dënoi gjithashtu sulmet e Izraelit ndaj civilëve palestinezë dhe shtoi se Ankaraja mbështet një zgjidhje me dy shtete për konfliktin palestinezo-izraelit.