Shpërthimi i fortë i një gazsjellësi në veri të Lituanisë është shkaktuar ndoshta nga një defekt teknik, tha sot kreu i sistemit shtetëror të shpërndarjes së gazit, Nemunas Biknijus.

Në shpërthimin e ndodhur të premten në fshatin Valakeliayi, flakët arritën 50 metra, por nuk pati viktima.

Rreth 250 banorë u evakuuan si masë paraprake dhe zjarri u shua në mesnatë me orën lokale, kur njerëzit u kthyen në shtëpitë e tyre.

Një nga shkaqet e mundshme të shpërthimit është një defekt teknik në bashkimin e salduar të një pjese të gazsjellësit. Ne presim rezultatet e hetimit në ditët në vijim. Nuk besoj se ndonjë veprim i qëllimshëm ka çuar në këtë, mendoj se ishte një aksident, tha Biknius.

Ai tubacion transporton gaz nga qyteti port lituanez Klaipeda në Letoninë fqinje.