Ish-futbollisti ukrainas, Artem Milevski ka përfunduar në spital dhe po lufton për jetën, lajmi i mirë është se gjendja e tij tani për tani po përmirësohet. Raportojnë mediat ukrainase.

Milevski, i cili sot është 38 vjeç, e ka përfunduar karrierën e tij para dy vitesh, ndërsa edhe gjatë kohës që luante futboll, dihej se kishte probleme me alkoolin.

Dyshohet se pas përfundimit të karrierës, Milevski i është “përkushtuar” edhe më shumë alkoolit, së fundmi në media është shfaqur një video ku shihet teksa firmos një top me logon e Dinamos, ndërsa mezi qëndron në këmbë.

Në opinion dolën informacione se gjendja e Milevskit është e rëndë, pas çka ka bërë të ditur shoku i tij Oleksandr Aliyev.

“Dëshiroj të sqaroj situatën rreth Milevskit. Me ndihmën e pronarit të Dynamo Kyiv, e dërguam në spital. “Ka pesë ditë që është këtu, gjendja është e rëndë, mjekët po luftojnë dhe të paktën tani për tani situata është duke u përmirësuar”, tha Aliyev.