Pronari i “Besa Trans” si dhe familjarët e tij ndodheshin në një nga katër autobusët që ktheheshin nga ekskursioni për në Stamboll, por jo në atë të djegur. Njëri nga pasagjerët – Xhafer Dolek, një gabim në kontrollimin e bagazhit i ka shpëtuar jetën. Babai i Xhaferit, Ekrem Dolek, ka thënë për “Sloboden Pecat” se aksidentin e ka marrë vesh djali i tij në kufirin me Maqedoninë, dhe se po kthehej në të njëjtin autobus me pronarin e “Besa Trans”. Ai shton se djali i tij është në gjendje shoku dhe emocionesh të përziera, pasi ishin rreth pesëmbëdhjetë shokë të tij që humbën jetën në autobusin që ai nuk hipi dhe i cili u dogj.

- Punonjësit e hotelit kontrollonin çantat e tij. Kur hipi në autobus dhe pa që në autobusin tjetër ishin të gjithë miqtë e tij, u rebelua. Shoferi i tha të mos bënte telashe dhe të mos vononte nisjen, se të gjithë autobusët do të ishin në një kolonë dhe se kishte vend për të qëndruar. Për mendimin tim, ai ishte shumë me fat. Ai nuk ishte në listën e pasagjerëve në autobusin e djegur, sepse ishte shtuar në listën e autobusit tjetër që u kthye shëndoshë e mirë. Siç më tha djali im, ekskursioni zgjati një ditë më shumë për shkak të fundjavës së zgjatur, ditës së alfabetit shqip. Prandaj bileta ishte më e shtrenjtë dhe ai me pesëmbëdhjetë shokë të tjerë, e gjithë shoqëria u mblodhën për të ecur në Turqi. Djali im është shumë i mërzitur, me ndjenja të përziera. Nuk ka shumë vend për gëzim, sepse shokët e tij në autobusin tjetër nuk janë më me ne, e ka të vështirë të gëzohet që ka shpëtuar - thotë Ekrem.

Ai tregon se djali i tij është mbyllur në këto ditë dhe nuk dëshiron të flasë me askënd.

- Nuk flet me askënd, nuk hapet për bisedë. Dhe informacionet që më tha, ma tha për tre ditë, pak nga pak. Njëzet minuta para aksidentit janë ndalur në një karburant për të pirë kafe. Kjo ishte hera e fundit që ai pa miqtë e tij. Ndaj mendoj se shoferi nuk ka mundësi të flejë, por këtë duhet ta tregojë hetimi. Kur arritën në kufirin e Maqedonisë, djali im pa pronarin e “Besa Trans”-it të mërzitur, pasi e kishte marrë vesh për aksidentin. Nuk ka kaluar as kufirin, është kthyer menjëherë në vendin e autostradës. Vetëm Zoti të na sjellë në mendje institucionet tona dhe të rregullojë shtetin. “Nuk duhet të qarkullojnë autobusë pa licencë, duhet ta kontrollojnë, nuk duhet të lejojnë të nëpërkëmben jetë të pafajshme”, tha Ekrem për Sloboden Pecat.