Ecclestone do të merrte një plumb për Putinin, Formula 1 është distancuar
Ish-shefi i F1 bëri një deklaratë tronditëse për presidentin rus, e cila shkaktoi një reagim të shpejtë nga zyra e Formula 1.
Formula 1 ka lëshuar një deklaratë zyrtare duke u shkëputur nga deklarata e Bernie Ecclestone (91) në lidhje me situatën gjeopolitike në botë.
“Komentet e Bernie Ecclestone janë vetëm këndvështrimi i tij personal dhe ndryshojnë shumë nga pozicioni dhe vlerat aktuale të sportit tonë”, thuhet në deklaratën zyrtare të F1.
Më herët, Ecclestone tha publikisht në programin televiziv "Good Morning Britain" se ai mbështeste presidentin rus, duke shtuar se ai ishte "gati të merrte një plumb për Putinin". Kjo deklaratë ngjalli shumë reagime, mes tyre edhe nga zyra e F1.
Kjo nuk është hera e parë që Formula 1 distancohet nga ish-shefi. Në vitin 2020, Bernie shkaktoi zemërim kur i tha CNN se në shumë raste zezakët ishin më racistë se të bardhët. F1 më pas u përgjigj se nuk ishte koha për deklarata të tilla kur duhej unitet në luftën kundër racizmit.