Sot shënojmë një vit nga Dialogu Strategjik ndërmjet Maqedonisë së Veriut dhe SHBA-së, i cili u mbajt më 2 qershor 2022, në Uashington. Dialogu u nis nga ministri i Jashtëm Bujar Osmani dhe Sekretari Amerikan i Shtetit Antony Blinken, duke hapur një kapitull të ri në marrëdhëniet bilaterale mes dy vendeve.

Ministri i Punëve të Jashtme, Bujar Osmani dhe ambasadorja e SHBA-së, Angela Ageler, me një video të përbashkët uruan përvjetorin e Dialogut Strategjik, duke rikonfirmuar përkushtimin e përbashkët për forcimin e mëtejshëm të bashkëpunimit dhe mbështetjen e konsiderueshme për procesin tonë të integrimit evropian.

- Si partnerë strategjikë, kemi përpara një sërë aktivitetesh për të adresuar sfidat e vendit, si forcimi i mëtejshëm i modelit tonë autentik të demokracisë funksionale multietnike, lufta kundër korrupsionit, investimet në infrastrukturë, por edhe integrimi i vendit në BE-ja, që është qëllimi ynë i përbashkët, interesi strategjik, thekson Osmani në përvjetorin e mbajtjes së dialogut.

Ambasadorja Ageler, duke rikonfirmuar mbështetjen e saj të fortë për procesin tonë të integrimit evropian, thotë se Shtetet e Bashkuara të Amerikës kanë qenë dhe do të jenë gjithmonë mbështetësja jonë e vazhdueshme dhe miku ynë më i madh.

“Ne do të jemi me ju krah për krah teksa të arrini qëllimet tuaja të sigurisë, prosperitetit dhe mundësive në kuadër të komunitetit europian”, thekson Ageler.

Ministria e Punëve të Jashtme bën me dije se në kuadër të Dialogut Strategjik, Ministria si koordinatore e procesit të përgjithshëm, në bashkëpunim me institucionet kompetente, ka përgatitur Planin e Veprimit për realizimin e projekteve në fusha të ndryshme. Me miratimin e tij në seancën e qeverisë, të gjitha aktivitetet në kuadër të dialogut u bënë pjesë e Programit të Punës së Qeverisë. Me qëllim të zbatimit të suksesshëm praktik të Planit të Veprimit të miratuar, të gjitha ministritë, institucionet dhe agjencitë nga vendi që kanë kompetenca në zbatimin e tij, emëruan persona të cilët monitorojnë realizimin e aktiviteteve në kompetencë të tyre dhe çdo tremujor paraqesin informacion për statusin dhe dinamikën e tyre. realizimin e punëve të Ministrisë së Punëve të Jashtme.