Një i vdekur dhe disa të plagosur në një përleshje të armatosur mes emigrantëve pranë Suboticës
Një emigrant është vrarë dhe gjashtë janë plagosur rëndë në një përleshje të armatosur sot në lagjen Makova Sedmica në periferi të Suboticës, raportojnë mediat serbe.
Emigrantët e plagosur, mes tyre edhe një vajzë 16-vjeçare, jeta e së cilës është në rrezik, janë dërguar në spitalin e Suboticës. Policia dhe autoambulanca kanë shkuar në vendin e përplasjes, ndërsa policia ka bllokuar afrimet në pyllin ku ka ndodhur përleshja.
Policia sot në mëngjes ka marrë njoftim nga qytetarët se në pyllin e Makova Sedmitsa dëgjohen të shtëna, pas së cilës në vendin e konfliktit policët kanë gjetur persona të lënduar dhe është thirrur një ambulancë. Kryetari i këshillit të komunitetit lokal të Makova Sedmicës, Mirsad Nalic, tha se emigrantët nga Afganistani dhe Pakistani u përplasën.
“Për ditë të tëra, nga mëngjesi në mbrëmje, kalojnë taksitë me targa Sombor dhe i çojnë në pyll. Policia ka ndërhyrë, por ata janë kthyer pas një ore”, pohoi Naliç. Në spitalin e Suboticës iu është dhënë ndihma gjashtë personave të lënduar nga të shtënat me armë zjarri dhe në gjendje më të rëndë është një vajzë 16-vjeçare për jetën e së cilës mjekët po luftojnë.