Aktori francez Lucas Bravo, i cili njihet më së shumti për rolin e tij si Gabriel në serialin e njohur të Netflix, "Emily në Paris" ai nuk është i sigurt nëse dëshiron të shfaqet në sezonin e pestë të serialit. Këtë vit u publikua sezoni i katërt i serialit, në të cilin u shfaq një interes i ri dashurie në jetën e personazhit Emily (Lily Collins), biznesmenit italian Marcello (Eugenio Franceschini).

Shumë fansa kanë mbetur të zhgënjyer me mënyrën sesi sillej personazhi i Gabrielit dhe duket se mendimin e tyre e ka edhe vetë aktori. Në një intervistë të fundit me IdniWire, ai shprehu pakënaqësinë e tij me drejtimin që po merrte personazhi i tij dhe foli se si po e rishqyrtonte vendimin e tij për të marrë pjesë në sezonin e pestë të shfaqjes.

“Kuzhinieri seksi ishte një pjesë e madhe e imja në sezonin e parë, dhe më pas ne u larguam gjithnjë e më shumë për shkak të zgjedhjeve që bën Gabriel dhe drejtimit që ata e marrin atë. Unë kurrë nuk kam qenë më ndryshe nga ai se sa jam tani”, komentoi Bravo, duke shtuar se Gabriel është “pak i pavetëdijshëm për rrethinën e tij” dhe “portretizohet vazhdimisht si viktimë”.

Bravo nuk është i sigurt nëse dëshiron të jetë pjesë e sezonit të pestë të serialit. Ai beson se personazhi i Gabrielit është aktualisht një manipulim i të gjithëve, prandaj xhirimet e serialit nuk janë më emocionuese për të.

“Xhirimet kanë pushuar së qeni argëtuese për mua kur shoh një personazh që e dua shumë dhe që më ka dhënë kaq shumë, dalëngadalë kthehet në diçka jopersonale. Nuk mund të bëhet shumë brenda kufizimeve të skenarit. Jam munduar prej vitesh të fus nuanca, por nuk kemi shumë liri në xhirime, nuk mund ta ndryshojmë fjalën apo emocionin. Ata e dinë saktësisht se çfarë duan dhe ne vetëm duhet të përshtatemi”, shpjegoi ai.

Për shkak të gjithë kësaj, Bravo nuk është i sigurt nëse dëshiron të jetë pjesë e sezonit të ardhshëm të pestë të serialit, i cili transmetohet në Netflix duke filluar nga viti 2020.

Një surprizë e vërtetë për fansat: Brigitte Macron do të shfaqet në sezonin e katërt të "Emily in Paris"