Johnson & Johnson pret deri në 3,5 miliardë dollarë në shitje vaksinash
Kompania amerikane "Johnson & Johnson" njoftoi sot se pret 3,5 miliardë dollarë të ardhura nga vaksina Covid-19 këtë vit, falë zbutjes së problemeve të zinxhirit të furnizimit dhe kërkesës në rritje.
Për shkak të vonesave të dorëzimit dhe kërkesës së pabarabartë, të ardhurat e Johnson & Johnson nga vaksina e koronavirusit ishin 2,39 miliardë dollarë vitin e kaluar, më shumë se 2,5 miliardë dollarë të planifikuar.
Të ardhurat totale të kompanisë u rritën me 13,6 për qind vitin e kaluar, duke arritur në 93,8 miliardë dollarë. Pa përfshirë shitblerjen e pronave, të ardhurat janë rritur me 12,8 për qind.
Fitimi neto u rrit 42 përqind në 2021 në 20,9 miliardë dollarë.
Pjesa e vaksinës në të ardhurat totale pritet të jetë e vogël, pasi Johnson & Johnson e shet atë me një çmim që nuk garanton fitime të mëdha.
Konkurrenti Pfizer vlerëson se vaksina solli 37 miliardë dollarë të ardhura vitin e kaluar.
Johnson & Johnson aktualisht është duke punuar në një ndarje të Departamentit të Shëndetit të Konsumatorit dhe planifikon të fokusohet në pajisjet mjekësore dhe biznesin farmaceutik.
Burimi: MIA