Presidenti i Sirisë, Bashar al-Assad ka emëruar sot ish-ministrin e Komunikimeve, Mohammed Ghazi Jalali, mandatar të qeverisë së re, pas zgjedhjeve parlamentare të korrikut.

Jalili është nën sanksionet e Bashkimit Evropian që nga tetori i vitit 2014 për rolin e tij në konfliktin në Siri, i cili ka vrarë gati gjysmë milioni njerëz që nga viti 2011. BE pretendon se Jalali ishte "përgjegjës për shtypjen e dhunshme të regjimit ndaj popullatës civile".

Ai ishte Ministër i Komunikimeve për gati dy vjet nga viti 2014.

BE-ja vendosi për herë të parë sanksione kundër Sirisë në vitin 2011 dhe kufizimet përfshijnë ndalimin e importeve të naftës nga Siria, investimet dhe eksportet e kufizuara të pajisjeve dhe teknologjisë në Siri që mund të përdoren për të shtypur popullsinë civile.