Disa persona humbën jetën kur dy helikopterë ushtarakë amerikanë u përplasën në qarkun Trigg, pranë bazës ajrore Fort Campbell, në shtetin amerikan të Kentakit.

Dy helikopterët Blackhawk (HH60 Blackhawks) u përplasën duke kryer një stërvitje rutinë rreth orës 22:00 me orën lokale, tha për Fox News Digital, drejtoresha e marrëdhënieve publike të Fort Campbell, Brendalyn Carpenter-Player.

- Ekuipazhi po fluturonte me helikopterë Blackhawk gjatë stërvitjes rutinë kur ndodhi incidenti. Statusi i anëtarëve të ekuipazhit nuk dihet aktualisht. Komanda aktualisht është e fokusuar në kujdesin për ushtarët dhe familjet e tyre, tha Carpenter-Player.

Në vendin e aksidentit kanë mbërritur shërbimet e urgjencës nga disa zona dhe sipas radiostacionit WKDZ, ka mundësi të kenë vdekur deri në nëntë persona.

Ne kemi disa lajme të vështira nga Fort Campbell, me raporte të hershme për një përplasje helikopteri dhe priten viktima. @kystatepolice, @KentuckyEM dhe zyrtarët lokalë po përgjigjen. Ne do të ndajmë më shumë informacion sipas disponimit. Lutuni për të gjithë të prekurit.

— Guvernatori Andy Beshear (@GovAndyBeshear) March 30, 2023

Guvernatori i Kentakit, Andy Beshear, konfirmoi përplasjen në Twitter, duke thënë se do të kishte disa viktima.

“Po marrim lajme të rënda nga Fort Campbell, priten viktima. Policia, Kentaki EMS dhe zyrtarët lokalë po ndihmojnë”, shkroi Beshear në Twitter.