Duma dhe Kondarko dëshmojnë sërish në “Titanik 2”
Rigjykimi për rastin “Titanik 2” sot në Gjykatën Penale Shkup ka vazhduar me dëgjimin e dëshmitarëve. Ish-anëtarja e Komisionit Shtetëror të Zgjedhjeve (KSHZ), Violeta Duma (dëshmia e parë në gusht 2018), dëshmoi sërish para trupit gjykues të kryesuar nga gjyqtari Ognen Stavrev. Dëshmuan edhe anëtari aktual i KSHZ-së, Boris Kondarko dhe zëdhënësi Admir Shabani.
Duma dhe Kondarko, si dëshmitarë, u dëgjuan në gusht 2018.
Gjyqi “Titanik 2” po mbahet kundër kryetarit të PDSH-së Mendu Thaçi, ish-anëtarit të KSHZ-së Bedredin Ibrami, ish-drejtorit të UBK-së Sasho Mijalkov dhe tre ish anëtarëve të KSHZ-së.
Procedura në këtë rast ka dalë nga “bombat” e shpallura nga LSDM-ja, ndërsa aktakuzën e ka përfaqësuar ish-prokurori publik special Gavril Bubevski.
Sipas aktakuzës së ish-PSP-së, të pandehurit kanë marrë pjesë në parregullsi zgjedhore në zgjedhjet lokale të vitit 2013.
Burimi: MIA