Senati i Universitetit Shtetëror të Tetovës në seancën e sotme ka marrë vendim që ta anulojë shpalljen aktuale për zgjedhjen e rektorit për mandatin 2023-2026, të publikuar më 18 maj 2023 dhe të shpallë shpallje të re.

Si arsye të vendimit, DUT përmend dëshirën që zgjedhja e rektorit të kryhet pa presion nga publiku”.

Në njoftim thuhet se procedurën për zgjedhjen e rektorit do ta kryejë Komisioni Zgjedhor i Universitetit, i cili është themeluar nga Senati i Universitetit. Edhe pse Senati ka të drejtën e autonomisë në vendimet për zgjedhjen e rektorit, në njoftim theksohet se kriteret që do të përfshihen në shpalljen e re do të jenë vetëm ato të renditura fjalë për fjalë në Ligjin për Arsimin e Lartë.

Me këtë vendim, Senati i DUT-së “përpiqet të garantojë integritetin institucional dhe të kryejë zgjedhjen e rektorit pa ndikim nga palët e treta”, tha universiteti.