Të gjitha faturat ndaj transportuesve privatë janë paguar, tha sot drejtori i Ndërmarrjes së Transportit Publik “Shkup”, Aleksandar Stojkovski, në vazhdim të seancës së 19-të të Këshillit të Qytetit të Shkupit kushtuar çështjeve këshillimore, lidhur me problemet me transportuesit privatë të autobusëve.

- Në periudhën që nga ardhja ime, deri më sot, të gjitha faturat e tyre janë paguar nga unë. Borxhi që JSP ka ndaj kompanive private është pretendimi i tyre aktual. Nëse mendojnë se janë thyer afatet le të bëjnë padi, tha Stojkovski.

Sipas tij, kontratat me kompanitë private mbeten të njëjta si më parë.

Kryetarja e Shkupit, Danela Arsovska, në të njëjtën seancë njoftoi se do të shpallet një thirrje e re publike për transportuesit privatë të autobusëve, me qëllim, siç tha ajo, që ata që duan të punojnë të mund të fitojnë një jetë të ndershme.