Autoritetet gjermane bastisën dhjetëra vende në të gjithë vendin sot pasi Ministrja e Brendshme Nancy Feser ndaloi një grup ekstremist të krahut të djathtë të akuzuar për përhapjen e ideologjisë naziste.

Herët në mëngjes sot janë kontrolluar selia e grupit “Artgemeinschaft”, si dhe 26 shtëpi të 39 anëtarëve të kësaj organizate në 12 shtete federale, njoftoi Ministria e Punëve të Brendshme.

“Kjo është një tjetër goditje e rëndë për ekstremizmin e djathtë dhe zjarrvënësit ideologjikë që vazhdojnë të përhapin ideologjinë naziste edhe sot. "Ky grup ekstremist i krahut të djathtë është përpjekur të rekrutojë armiq të rinj të Kushtetutës me indoktrinimin e tij të neveritshëm të fëmijëve dhe të rinjve," tha Feser.

Autoritetet gjermane këtë muaj ndaluan një grup tjetër neo-nazist, Hammerskins Deutschland, me rrënjë në SHBA. Pas një hetimi në bashkëpunim me zyrtarët amerikanë që zgjati më shumë se një vit, policia gjermane bastisi shtëpitë e 28 anëtarëve të grupit.