Sot Bullgaria dërgon tre gjeneratorë të energjisë elektrike në tri pika kufitare me Republikën e Maqedonisë së Veriut, tha ministri bullgar i Punëve të Brendshme, Ivan Demerxhiev.

Tre gjeneratorët u njoftuan nga Demerxhiev të shtunën gjatë qëndrimit të tij në Shkup me rastin e 151 vjetorit të lindjes së revolucionarit maqedonas Goce Dellçev dhe pas informacioneve se shtetasit bullgarë nuk mund të kalojnë kufirin për shkak se sistemi për kontrollimin e dokumenteve personale ka dështoi për shkak të një ndërprerjeje në furnizimin me energji elektrike.

Pas takimit të javës së kaluar me kolegun e tij maqedonas Oliver Spasovski, Demerxhiev paralajmëroi se deri në fund të javës mund të ketë takime të reja me përfaqësuesit e pushtetit maqedonas, këtë herë në Dellçevë, e jo në Shkup.

Në një deklaratë për gazetarët në Sofje, ai tha se dialogu me Maqedoninë e Veriut vazhdon, duke theksuar se “dhuna dhe provokimet duhet të ndalen sepse ato lindin dhunë dhe provokime të reja dhe duhet ndalur ai rreth vicioz”.

Dëshiroj që pala maqedonase të kuptojë se rruga drejt fqinjësisë së mirë dhe rruga drejt Evropës është me veprime, jo me fjalë. Kur kjo të ndodhë, marrëdhëniet mes dy vendeve do të hyjnë në drejtimin në të cilin do të donim dhe të cilin jemi të detyruar ta sigurojmë, tha Demerxhiev.

Ai gjithashtu theksoi se nuk i është dhënë asnjë provë se më 4 shkurt në kufi kishte persona që kishin sjellje radikale.

Është normale që njerëzit të reagojnë kur shohin se automjetet që hyjnë në Bullgari janë duke u përpunuar, por jo në drejtimin tjetër, tha Demerxhiev.

Sipas tij, nuk ka pasur arsye që të pengohen njerëzit që kanë dashur të vijnë në Shkup për të vendosur lule.