Futbollisti i Barcelonës, Frankie de Jong nuk ka ndërmend t'i nënshtrohet presionit dhe goditjeve të ulëta të presidentit të skuadrës katalanas, Joan Laporta dhe ka njoftuar marrjen e masave ligjore.

Gazeta “Mundo Deportivo” shkruan se De Jong është i zhgënjyer me mënyrën se si Laporta dëshiron ta heqë qafe dhe ushtron presion përmes mediave duke njollosur emrin e futbollistit, por holandezi nuk ka ndërmend të tërhiqet dhe t'i nënshtrohet shantazheve.

Në media janë shfaqur informacione se zgjatja e kontratës së De Jong me Barcelonën në tetor 2020 është e dyshimtë dhe është objekt i një hetimi që mund të çojë në një padi kundër lojtarit, nëse ai nuk pranon një ulje drastike rroge ose pranon të jetë shitur.

De Jong nuk mendon t'i dorëzohet presionit dhe përmes agjentit të tij i tha drejtuesve se është gati të padisë Barcelonën në FIFA dhe UEFA.

Në të njëjtën kohë, holandezi tha se dëshiron të qëndrojë në “Camp Nou” dhe se marrëdhënia e tij me trajnerin Xavi Hernandez nuk është e prishur.