Travis Scott, Drake, Apple, Live Nation dhe të tjerë po përballen me një padi prej 750 milionë dollarësh të ngritur nga më shumë se 125 fansa, përfshirë familjen e një prej të ndjerit të festivalit.

Padia, e ngritur nga avokati i Houston, Tony Busby, është i pari që vjen dhe akuzon Travis dhe organizatorët e koncertit për neglizhencë në planifikimin e gabuar të koncertit, dështim në trajnimin e stafit të sigurisë dhe organizimin e një ngjarje të sigurt.

Mes paditësve është edhe familja e Axel Acosta, një 21-vjeçari, i cili dyshohet se u shtyp nga një "turmë e nxitur, e pabindur dhe e pakontrolluar me një forcë të tillë sa nuk mund të merrte më frymë".

 

Shiko këtë post në Instagram

 

Një postim i shpërndarë nga parboaboa news (@parboaboa)

Sa i përket shumës marramendëse prej 750 milionë dollarësh, padia pretendon të mbulojë dëmtime të shëndetit fizik dhe mendor, si dhe humbje jete.

“Asnjë shumë parash nuk do ta bëjë kurrë realitet; asnjë shumë parash nuk mund të kthejë jetën e njeriut. “Por dëmet e kërkuara në këtë rast janë një përpjekje për të riparuar, ndihmuar apo kompensuar dëmet dhe humbjet që kanë pësuar këta persona – asgjë më shumë dhe asgjë më pak”, tha avokati.

 

Shiko këtë post në Instagram

 

Një postim i shpërndarë nga @pop_travisscott

Travis dhe Live Nation ofruan një rimbursim pothuajse menjëherë për pjesëmarrësit e koncerteve dhe padia e quajti ofertën një "përpjekje transparente dhe groteske për të kufizuar përgjegjësinë e tyre, në fund të fundit, ndaj familjeve të të vrarëve ose të plagosurve".

Gjatë koncertit famëkeq të Travis Scott në Astroworld dhe performancës së përbashkët të Drake, tani kanë humbur jetën 10 persona – viktima e fundit është një djalë 9-vjeçar.

Forcat e rendit vazhdojnë të hetojnë se çfarë i shkaktoi vdekjet, por të pranishmit thonë se turma shtypi, shkeli dhe mbyti tifozët.

 

Shiko këtë post në Instagram

 

Një postim i shpërndarë nga @pop_travisscott