Ministri i Punëve të Jashtme të Serbisë, Ivica Daçiç, lidhur me deklaratën e kryeministrit të Kosovës Albin Kurti se “marrëveshja përfundimtare” mes Beogradit dhe Prishtinës do të arrihet në pranverë, tha se “nuk janë përmendur askund afate dhe as nuk janë pjesë e ndonjë marrëveshjeje që është arritur”.

Daçiq ka thënë për “B92” se Kurti “jeton në një realitet paralel”.

“Dialogu kërkon dy, ndonjëherë edhe tre. Nëse ata nuk kanë nevojë për Serbinë, atëherë nuk ka nevojë për dialog”, tha Daçiq.

I pyetur nëse “propozimi franko-gjerman” është i pranueshëm për Serbinë, Daçiq tha se ky propozim “mund të jetë një pikënisje e mirë për arritjen e marrëveshjes ndërmjet Beogradit dhe Prishtinës, nëse nuk ka anëtarësim në OKB” për Kosovën.

Kryeministri i Kosovës Albin Kurti sot para deputetëve në Kuvend i Kosovës deklaroi se Bashkimi Evropian dhe Shtetet e Bashkuara “planifikojnë të arrijnë një marrëveshje përfundimtare ndërmjet Kosovës dhe Serbisë në mars të vitit të ardhshëm”.

Ai tha gjithashtu se vetë BE-ja dhe SHBA-ja “dëshirojnë një dinamikë të re” dhe se “është propozim i BE-së.

Vuçiq: Kurti mund të shkojë në Bruksel kur të dojë, i uroj udhëtim të mbarë