Zëvendëskryeministri dhe ministri i Brendshëm Ivica Daçiq ka falënderuar sot në mbrëmje të gjithë pjesëtarët e MPB-së që u angazhuan në protestë për sjelljen e tyre profesionale, të përkushtuar dhe të përmbajtur në protestën e sotme, njoftoi MPB.

“E di që ka qenë shumë e vështirë, e di që sot keni qenë nën presionin më të madh dhe keni treguar se jeni gjithmonë në lartësinë e detyrës, gjithmonë të gatshëm për të ruajtur dinjitetin dhe reputacionin si të njësive tuaja ashtu edhe të gjithë ministrisë”, tha Daçiq.

Në deklaratën e tij me shkrim, ai theksoi se është krenar sepse sot është përmbushur “detyra më e rëndësishme” – ruajtja e paqes dhe stabilitetit, e sigurisë së të gjithë qytetarëve dhe e pasurisë së tyre, duke respektuar ligjet dhe Kushtetutën e Republikës së Serbisë.