Daçiq përsëriti: Serbia do ta zbatojë Marrëveshjen e Ohrit deri në vijat e kuqe
Ministri i Jashtëm i Serbisë Ivica Daçiç deklaroi sot se vendi i tij është i gatshëm ta zbatojë marrëveshjen e arritur në Ohër, por deri në vijat e kuqe.
“Kurse vijat tona të kuqe, ajo me të cilën nuk pajtohemi, rezerva jonë dhe ajo që kemi të drejtë dhe e përjashtojmë veten prej saj është njohja reciproke: jo njohje e Kosovës dhe jo anëtarësim i Kosovës në Kombet e Bashkuara”, tha Daçiq në Bruksel. , ku merr pjesë në një konferencë donatorësh për të mbledhur fonde për Turqinë dhe Sirinë.
Shefi i diplomacisë serbe tha se në Ohër ruhen interesat kombëtare serbe, transmeton Radio Evropa e Lirë.
Ai shtoi se themelimi i Bashkësisë së Komunave me shumicë serbe në Kosovë do të jetë ligjërisht obligativ për Prishtinën.
Procesi i dialogut, sipas tij, është vetëm në drejtim të normalizimit të marrëdhënieve dhe asgjë më shumë.
"Mendoj se kjo është vazhdimësi e asaj që kemi filluar dhjetë vjet më parë, dhe në këtë drejtim është shumë e rëndësishme të dihet se kjo është një marrëveshje për hapa të mëtejshëm në normalizimin e marrëdhënieve, e jo për çështje statusore", thekson Daçiq.