Sipas të dhënave të fundit nga autoritetet turke dhe siriane, më shumë se 3.600 persona kanë humbur jetën në tërmetet shkatërruese që goditën të dy vendet. Mijëra njerëz janë nën rrënoja dhe ekipet e shpëtimit po përpiqen furishëm të arrijnë tek të mbijetuarit.

Por një përfaqësues i lartë i Organizatës Botërore të Shëndetësisë paralajmëron se numri i viktimave mund të jetë tetë herë më i lartë, raporton "BBC".

“E njëjta gjë ndodh gjithmonë kur bëhet fjalë për tërmetet. Fatkeqësisht, numri fillestar i të vdekurve ose të plagosurve do të rritet ndjeshëm në javët e ardhshme, tha për AFP përfaqësuesi i lartë i OBSH-së për Evropën. Kathy Smallwood.

Ajo shtoi se shumë njerëz do të mbeten të pastrehë në mot të ftohtë dhe me borë, gjë që e ndërlikon edhe më shumë situatën.

Deri më tani, tërmeti më shkatërrues në Turqi ishte ai i vitit 1939, kur vdiqën 33.000 njerëz. Në një tërmet që goditi Izmitin dhe rrethinat e tij në vitin 1999, pati mbi 17.000 viktima.