Një ngjarje e rëndë me armë ka ndodhur mëngjesin e sotëm në aeroportin TAV. Një pjesëtar i sigurimit të Gashit ka kërcënuar një punonjës në aeroport pasi nuk e ka lejuar presidenten e Kosovës Vjosa Osmani të kapërcejë kontrollin e skanimit, transmeton Thelma.

Sipas informacioneve të MPB-së, në seksionin VIP për kontrollin e pasagjerëve të zbritur nga Parisi ka qenë edhe presidentja e Kosovës Vjosa Osmani. Në momentin që iu kërkua të linte telefonin e saj të kalonte përmes skanerit, një nga rojet e saj të sigurisë u tërhoq nga punonjësja e TAV-së, me qëllim që ajo të kalonte pa telefon të skanuar dhe bagazh dore.

Por më pas bagazhi u kthye dhe kaloi përmes një skaneri.

Pas gjysmë ore erdhi një person nga sigurimi i kryetarit të Kuvendit Gashi i cili ishte polic me dy persona të tjerë të punësuar në MPB dhe filluan të kërcënojnë punonjësit e TAV-së dhe të pyesin se kush ia ka shkaktuar problemin President.

Në të njëjtën kohë ka shtyrë edhe një punonjës policie që punonte në pikën kufitare.

Mirëpo, sipas shkrimeve të disa mediave, debati është shndërruar në incident pasi që sigurimi i Gashit, përveç kërcënimeve verbale, ka nxjerrë edhe një armë dhe ia ka drejtuar punonjësve të TAV-së dhe një punonjësi në pikën kufitare të aeroportit.

MPB bën me dije se menjëherë është njoftuar Departamenti për Kontroll të Brendshëm, Hetime Kriminale dhe Standarde Profesionale dhe në koordinim me prokurorinë pranë Departamentit për Luftën kundër Krimit të Organizuar po merren masa për zbardhjen e rastit, pas së cilës , thonë ata, do të dorëzohen parashtresat përkatëse.