Ministri i Jashtëm çek Jan Lipavski kritikoi qeverinë hungareze për trajtimin e Rusisë në një postim në Twitter pas betimit të Viktor Orban si kryeministër të hënën.

Lipavski tha se vendimi i Hungarisë për të mos mbështetur sanksionet ndaj eksporteve ruse të energjisë ishte "i papranueshëm", duke shtuar se Evropa duhej të ishte më e bashkuar se kurrë.

Republika Çeke – së bashku me Hungarinë, Poloninë dhe Sllovakinë – i përket të ashtuquajturit grupi i katër vendeve të Evropës Qendrore të Vishegradit, i formuar për të mbrojtur interesat e përbashkëta në BE.

Megjithatë, qëndrimi i Hungarisë për vendosjen e sanksioneve ndaj Rusisë dhe refuzimi i saj për të armatosur Ukrainën është në kontrast të plotë me anëtarët e tjerë të Vishegradit dhe qëndrueshmëria e grupit duket gjithnjë e më e pasigurt.