Xavi: Neymar nuk është në planet e Barcelonës
Trajneri i Barcelonës, Xavi Hernandez, konfirmoi se ish-sulmuesi i klubit katalanas, Neymar nuk është pjesë e planeve të transferimit të Camp Nou. Pati raportime se braziliani i bëri një ofertë Barçës pasi Lionel Messi vendosi të vazhdojë karrierën te Inter Miami.
Madje është sugjeruar se lojtari i PSG-së do të ishte i gatshëm të pranonte një pagë më të ulët vetëm për t'u kthyer te kampionët spanjollë. Por, futbollisti 31-vjeçar aktualisht nuk është një lojtar që Barcelona po e shikon. dhe Xavi tha të njëjtën gjë.
– Teorikisht, ai nuk është në planet tona. E vlerësoj jashtëzakonisht shumë si person, por ai nuk është prioritet”, ka thënë Xavi.
Në karrierën e tij me Barcelonën, Neymar fitoi një herë Ligën e Kampionëve, tri herë Kupën e Mbretit, dy herë La Ligën dhe gjithashtu ka nga një trofe në Superkupën e Spanjës dhe Kupën e Botës për Klube.
Xavi gjithashtu foli për Messin dhe vendimin e tij për të nënshkruar me Inter Miami, pavarësisht lidhjeve të tij të forta me Barcelonën.
- Në ditët, javët e fundit, vura re se ai nuk e shihte qartë kthimin e tij. Duhet ta kuptosh këtë, nuk është e lehtë të jesh Messi. Të gjithë janë të interesuar për ju, ai kurrë nuk ka paqe. Leo shpjegoi se kishte qenë i pakënaqur për dy vitet e fundit. Mund ta kuptoj që ai nuk dëshiron më atë presion. Kam folur shumë me të – janë fjalët e Xavi.