Çmimet e gazit në Evropë do të normalizohen vetëm në vitin 2025
Çmimet e gazit natyror në Evropë duhet të normalizohen vetëm në vitin 2025 me përdorimin e gazit natyror të lëngshëm (LNG) dhe forcimin e infrastrukturës së përbashkët.
Sipas raportit të agjencisë Fitch të titulluar "Kriza më e keqe e gazit në Evropë ka përfunduar", ofrimi i gazit natyror të lëngshëm dhe forcimi i infrastrukturës spikasin si faktorë kyç për furnizimin afatgjatë me gaz të Evropës.
Rritja e furnizimit me LNG në Evropë, kushtet e buta të motit dhe hapat për të reduktuar kërkesën shmangën skenarin e rastit më të keq gjatë krizës energjetike. Kërkesa për gaz në Bashkimin Evropian është ulur me 10 për qind në vitin 2022.
Në raportin e agjencisë “Fitch” thuhet se kërkesa pritet të vazhdojë të bjerë këtë vit dhe të arrijë në 15 për qind.
Pritet gjithashtu që LNG, i cili është burimi kryesor alternativ në reduktimin e varësisë nga gazi rus në krizën energjetike, të vazhdojë të ruajë rëndësinë e tij në Evropë.