Çmimet e naftës u rritën mbi 96 dollarë sot në bursat ndërkombëtare. Rritja është nxitur nga indikacionet e furnizimit të ngushtë në SHBA dhe pritjet për rritjen e kërkesës për karburant në Kinë gjatë sezonit të festave.

Në bursën e Londrës, çmimi i një fuçi nafte për dërgesë në muajin nëntor u rrit me 88 cent dhe arriti në 96,26 dollarë. Ndërsa një fuçi naftë për dërgesë në dhjetor u tregtua me 94,07 dollarë, pra 97 cent më shumë se dje.

Në tregun amerikan, fuçia u rrit me 1,31 dollarë dhe po tregtohet me 93,02 dollarë.

Ndërkohë, Rusia po mendon vendosjen e kuotave të eksportit të karburanteve nëse ndalimi i përkohshëm i eksporteve nuk arrin efektin e dëshiruar dhe uljen e çmimeve në tregun vendas. Një rënie e vogël e çmimeve të benzinës dhe naftës ruse është vërejtur sot në bursën ndërkombëtare në Shën Petersburg.

Sipas parashikimeve të ekonomistëve, në tremujorin e katërt një fuçi naftë do të tregtohet për 89,85 dollarë dhe në vitin 2024 do të kushtojë 86,45 dollarë.

Deri në fund të vitit, çmimet do të ndikohen më së shumti nga ulja e ofertës nga Arabia Saudite dhe Rusia, por rritja e tyre drejt 100 dollarëve për fuçi mund të ngadalësohet nga tendencat e pafavorshme makroekonomike, paralajmërojnë analistët.