Është shuar plotësisht zjarri në Ohër
Është shuar plotësisht zjarri që ka rënë pasditen e djeshme në mes të fshatrave Vapilë dhe Raçino të Ohrit, njoftoi Qendra për Menaxhimin e Krizave.
Sipas informacioneve të QKM-së, zjarri është shuar plotësisht rreth orës 14:50.
Në terren ishin ekipet e Njësisë Territoriale të Zjarrfikësve nga Ohri, Drejtoria për Mbrojtje dhe Shpëtim, Qendra për Menaxhimin e Krizave, Pyjet Kombëtare, ndërmarrjet publike komunale dhe vullnetarë.
QKM më herët bëri me dije se ekipet në terren janë ndarë në dy grupe për të lokalizuar më lehtë zjarrin, i cili ndodhej në një zonë të vështirë për t'u aksesuar.
Sipas ndërmarrjes publike “Pyjet Kombëtare”, është prekur një sipërfaqe e madhe me pyll dushku me kërcell të ulët, të cilët do të vlerësojnë më tej dëmet.