Fermerët bullgarë që marrin me qira kullota mund të fitojnë deri në 20.000 euro. Dhe atë vetëm nga subvencionet e tokës, me përjashtim të pagesave për kafshët, shkruan “24Chasa.bg”. Kështu tregojnë llogaritë e Ministrisë së Bujqësisë për këtë vit.

Pritet që paratë të rriten në vitet e ardhshme. Për ata që mendojnë se është një biznes i mirë, kompania më e madhe e menaxhimit të tokës Agrion ofron me qira mijëra hektarë tokë të përshtatshme për kullotjen e kafshëve. Parcelat variojnë nga disa hektarë deri në disa mijëra hektarë dhe janë të përshtatshme për të gjithë fermerët që duan të rrisin kafshë. Llogaria tregon se një fermë prej 300 hektarësh, për shembull, mund të fitojë rreth 7.000 € në vit vetëm nga pagesat bazë dhe rishpërndarëse.

Përveç eko-skemave – për mirëmbajtjen e sipërfaqeve, restaurimin e potencialit të tokës, reduktimin e përdorimit të pesticideve dhe mirëmbajtjen e diversitetit biologjik, mund të merren edhe 5.000 euro të tjera. Nëse je një fermer i ri, të ardhurat e tua rriten me 3.000 euro të tjera. Kështu, pronari mund të arkëtojë rreth 15.000 mijë euro në vit vetëm për tokën që ka marrë me qira. Në veçanti, nëse ai zgjedh të mbajë dhi, për shembull, BE-ja do t'i paguajë 43 euro për dhi. Kështu, 100 dhi do t'i sjellin 4.300 euro në vit. Kullotat e ofruara nga Agrioni do të jepen me qira me negocim të drejtpërdrejtë dhe me opsionin e një rruge tërësisht dixhitale.