Bullgaria ka vendosur një gjendje të pjesshme të jashtëzakonshme në rajonet rreth kufirit me Turqinë për shkak të fluksit të emigrantëve.
Për shkak të presionit të shtuar të migracionit, një gjendje e pjesshme e jashtëzakonshme është shpallur në tre rajone juglindore në Bullgari pranë kufirit me Turqinë, Burgas, Haskovo dhe Yambol. Kështu ka bërë të ditur në Malo Tërnovo ministri zyrtar i Punëve të Brendshme i Bullgarisë, Ivan Demerxhiev.
Siç njofton korrespondenti i MIA-s nga Sofja, në këtë mënyrë do të lehtësohen procedurat për rehabilitimin urgjent të rrugëve pyjore që çojnë në kreshtën kufitare me Turqinë.
Sipas Demerxhiev, 50 për qind e pajisjeve të Policisë Kufitare janë të dëmtuara për shkak të gërvishtjeve që janë krijuar në rrugë. Në këtë mënyrë, sipas tij, bëhet më e vështirë ruajtja e kufirit dhe përgjimi i emigrantëve.
Nga sot patrullat e përbashkëta të policisë kufitare të Bullgarisë dhe zyrtarë pyjorë do të monitorojnë njëkohësisht tregtinë ilegale të emigrantëve dhe prerjet ilegale të pyjeve, njoftoi ministri zyrtar i Bujqësisë i Bullgarisë, Javor Geçev, i cili ishte me kolegun e tij.