Bullgari: Ka tentuar të kontrabandojë 100 kilogramë heroinë në një makinë me dy fëmijë të mitur
Mbi 100 kilogramë heroinë janë zbuluar gjatë kontrollit të një veture në pikën kufitare bullgare “Kapitan Andreevo” me Turqinë, njofton qendra për shtyp e Agjencisë Doganore.
Siç njoftoi korrespondenti i MIA-s nga Sofja, kjo ka ndodhur dy ditë më parë, kur në kufirin bullgaro-turk ka mbërritur një veturë me regjistrim francez, e cila nga Turqia përmes Bullgarisë vinte për në Francë.
Në makinën e drejtuar nga shtetasi francez udhëtonin gruaja e tij dhe dy fëmijët e tyre të mitur, si dhe kafshët e tyre shtëpiake – dy qen.
Sipas metodës së “analizës së riskut”, makina është e vendosur t’i nënshtrohet një kontrolli të plotë doganor. Gjithsej 209 pako, të mbështjella me fletë metalike dhe me një lëndë ngjyrë bezhë pluhur, u gjetën në vende fshehjeje të posaçme, në dyshemenë e makinës, të aksesueshme pas çmontimit të sediljeve, si dhe në vendin e gomës rezervë. Sasia totale e drogës së sekuestruar është 104.940 kilogramë, me vlerë 4.900.000 euro.