Ministri bullgar i Jashtëm, Nikolai Milkov, Në intervistë për televizionin kombëtar bullgar "BNT", ai deklaroi se ka "përshkallëzim dhe rritje të tensioneve me Maqedoninë".

“Në muajt e fundit kemi qenë dëshmitarë të veprimeve të ndryshme armiqësore dhe të papajtueshme me mirëkuptimin dhe bazën kontraktuale. Topi është në fushën e tyre. Nuk kanë afat për zbatimin e “propozimit francez”. Kur ta përmbushin, atëherë do të hapet faza e parë e procesit të negociatave”, tha Milkov.

Ai shtoi se Bullgaria është "e gatshme të ndihmojë financiarisht qytetarët me vetëdije bullgare në Maqedoni në betejën ligjore që ata do të udhëheqin para gjykatave vendase dhe ndërkombëtare".

“Ne jemi të gatshëm të bashkëpunojmë me njerëzit me vetëdije bullgare në periudhën kur ata do të paraqesin ankesa në gjykatat në Maqedoni dhe në gjykatat evropiane. Shumica prej tyre mund të mos kenë mjete financiare ose mjete të tjera për ta bërë vetë. Ata duhet të inkurajohen dhe të ndjehen të mbështetur”, thotë shefi teknik i diplomacisë bullgare.