Ka shkuar në 321 numri i të vdekurve nga tërmeti në Indonezi
Numri i të vdekurve nga tërmeti me magnitudë 5,6 që goditi provincën Java Perëndimore të Indonezisë gati një javë më parë është rritur në 321, tha zyrtari më i lartë i menaxhimit të emergjencave të vendit.
Suharyanto, kreu i Shërbimit Kombëtar të Menaxhimit të Krizave, tha se të paktën 11 persona ishin ende të zhdukur. Tërmeti dëmtoi më shumë se 62.000 shtëpi, si rezultat i të cilit më shumë se 73.000 qytetarë u zhvendosën në 325 qendra pritëse në të gjithë rajonin.
“Punëtorët humanitarë po arrijnë gradualisht te qytetarët e prekur në fshatrat e largëta me logjistikë dhe produkte ushqimore dhe duke ngritur tenda për ta”, shtoi Suharyanto. Shërbimi që monitoron aktivitetin sizmiologjik tha se tërmeti kryesor i së hënës u pasua nga 284 pasgoditje, me intensitetin e tyre duke u ulur gradualisht.