Anija me grurë ukrainas do të mbërrijë në Tripoli nesër
Anija “Razoni” me drithë ukrainase që lundron nën flamurin e Sierra Leones do të mbërrijë nesër në portin libanez të Tripolit, shkruan gazeta “Al Akbar”, duke cituar një burim nga ambasada e Ukrainës në Bejrut.
Anija "Razoni" do t'i dorëzojë 26.000 mijë tonë misër një klienti libanez, transmeton agjencia Tass.
Anija “Razoni” nisi të hënën në mëngjes nga porti ukrainas i Odesës.
Anëtarët e Qendrës së Përbashkët të Koordinimit për Eksportet e Grurit me bazë në Stamboll nga Ukraina inspektuan anijen të mërkurën.
Më 22 korrik, Rusia, Ukraina, Turqia dhe OKB-ja në Stamboll nënshkruan një paketë masash që synojnë zgjidhjen e çështjes së dërgimit të ushqimit dhe plehrave në tregjet botërore.
Në bazë të marrëveshjes, krijohet një qendër koordinimi, përfaqësuesit e së cilës janë përgjegjës për inspektimin e anijeve me grurë për të parandaluar kontrabandën e armëve.