Anija "Ocean Viking" të OJQ-së "SOS Mesdheu" shpëtoi 158 emigrantë në brigjet e Libisë sot në dy gomone me fryrje, tha OJQ.

Mes tyre ishin gjashtë gra shtatzëna dhe disa fëmijë, përfshirë një foshnjë tre muajshe.

Një person u plagos, sipas Organizatës Evropiane të Kërkimit dhe Shpëtimit Detar me qendër në Marsejë.

Sipas dëshmive të para, emigrantët kaluan nëntë orë në det dhe shumë prej tyre ishin të rraskapitur dhe të shqetësuar emocionalisht, sipas organizatës, e cila punon me ndihmën e Federatës Ndërkombëtare të Shoqatave të Kryqit të Kuq dhe Gjysmëhënës së Kuqe.

Mesdheu Qendror është rruga më e rrezikshme e emigrantëve në botë, sipas Organizatës Ndërkombëtare për Migracionin (IOM). Agjencia e OKB-së vlerëson se në vitin 2021, 1.553 njerëz vdiqën ose u zhdukën në atë rrugë.

Burimi: MIA