Brnabiq: Serbia nuk është neutrale kur bëhet fjalë për luftën në Ukrainë, ne e kemi dënuar qartë agresionin
Kryeministrja serbe Ana Brnabiq thotë se në takimin me përfaqësuesit e autoriteteve japoneze në Tokio, ajo ka shpjeguar qëndrimin e Serbisë dhe pse vendi nuk vendos sanksione ndaj Rusisë për shkak të pushtimit të Ukrainës.
Brnabiq deklaroi se Serbia nuk është neutrale dhe se dënon agresionin kundër Ukrainës. Ajo shtoi se politikanët japonezë nuk ushtrojnë presion si ata evropianë, por se janë të interesuar të dëgjojnë se cili është qëndrimi i Serbisë. H1 Serbi.
“Ne nuk jemi neutralë për këtë çështje, qëndrimi ynë është plotësisht i qartë, ne u bashkuam me rezolutat e OKB-së dhe deklaratat e BE-së, ku dënuam agresionin kundër Ukrainës. Ministria jonë e Punëve të Jashtme ka njoftuar se nuk do të njohim rezultatet e referendumit. I vetmi ndryshim është se ne nuk kemi dhe nuk duam të vendosim sanksione kundër Rusisë, ne kemi arsye të shpjeguara mirë për këtë”, tha Brnabic në Tokio.
Brnabiq thotë se takimi i saj me kryeministrin japonez ka shkuar mirë dhe se do ta shfrytëzojë për të ndërtuar lidhjet politike dhe ekonomike të Serbisë me Japoninë.